Champions, Bayernit i nevojitet një mrekulli…“Heynckes”
12/05/2015 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Nevojitet një mrekulli mbrëmjen e së martës për Bayern Munchen, në mënyrë që të sigurojë një biletë për në finalen e Berlinit.
Pas humbjes së rëndë 3-0 në “Camp Nou” një javë më parë në gjysmëfinalen e vajtjes, skuadrës së Pep Guardiolës do t’i duhet një fitore me 4 gola diferencë në “Allianz Arena” për të eliminuar Barcelonën e “treshes së mrekullive” Messi-Neymar-Suarez.
Një mision, që të paktën në letër duket i pamundur, edhe pse e kaluara sjell kujtime të hidhura për katalanasit…
Hera e fundit që “blaugranat” ishin në “Allianz Arena” për t’u përballur me Bayernin ka qenë 23 prilli i vitit 2013, kur skuadra e drejtuar nga Jupp Heynckes atëherë u imponohej me një rezultat të pastër 4-0 katalanasve, të drejtuar në atë kohë nga Tito Vilanova. Ajo ishte ndeshja e kthesës për gjermanët, të cilët pak javë më vonë do të fitonin edhe Championsin, duke mposhtur në finale Borussia Dortmund.
Megjithatë, mbrëmjen e sotme duket se gjithçka ka ndryshuar. Messi, i cili dy vite më parë nuk u shfaq në gjendjen e tij më të mirë fizike, e zgjidhi thuajse i vetëm ndeshjen e parë me dy gola dhe një asist.
E vështirë të mendosh një rrëzim kaq drastik të Barçës, edhe pse në konferencën për shtyp para ndeshjes, Pep Guardiola u shpreh i sigurt se ai dhe skuadra që drejton besojnë dhe do të tentojnë deri në fund. Megjithatë, nuk ka për të ndikuar vetëm forma e Messit, por edhe forma gjithnjë e në rënie e Bayernit, teksa gjermanët kanë humbur 4 ndeshjet e fundit mes Championsit, Bundesligës dhe Kupës së Gjermanisë.
Ndërsa “pleshti” dhe shokët e tij, përkundrazi, kanë fituar 17 nga 18 ndeshjet e fundit zyrtare.
Top Channel
