Lame inspekton në terren ndërtimet në proces legalizimi
28/03/2015 00:00
I shpallur në kërkim për prodhim dhe shitje të narkotikëve, arrestohet 40-vjeçari në Durrës, i dënuar me 12 vjet burgim (emri) 18/04 13:56
Në gjithë Tiranën janë regjistuar rreth 40 mijë objekte të cilat janë në proces legalizimi. Kreu i ALUIZNI-t Artan Lame gjatë inspektimit që ka zhvilluar në zonën e Bathores dhe të Ali Demit tha se u është dashur që të hapin zyra të reja në disa zona të Tiranës për të përballuar fluksin e madh të kërkesave të qytetarëve.
“Një pjesë e mirë e objekteve pa leje janë hedhur në planimetrinë e Tiranës. Duhet të kemi parasysh që Tirana ka rreth 40 mijë objekte të ndërtuara pa leje”, deklaroi Lame.
Në terren janë shpërndarë 80 punonjës të ALUIZNI-t të ndarë në 40 grupe, të cilët bëjnë inspektimin e detajuar të çdo zone dhe më pas nisin përpilimin e dosjeve për çdo objekt.
“Janë 80 punonjës të ALUIZNI-t që janë në terren dhe kanë mbuluar të gjithë qytetin e Tiranës, kryesisht brenda zonës së Bashkisë së Tiranës. Pasi përfundon inspektimi hidhen të gjithë të dhënat në sistem dhe përpunohen dosje pas dosje”, shtoi kreu i ALUIZNI-t.
Inspektimi do të vijojë edhe në fundjavë, tha Lame pasi është e vetmja kohë kur banorët qëndrojnë në shtëpitë e tyre.
Top Channel
