Dëmtimi i rrugës në Llogora, çdo vit shembje të reja
22/03/2015 00:00
Sherr mes 5 personave në Kukës, nis hetimi për një prej tyre, 4 të tjerët në kërkim! Masë disiplinore për policët që nuk parandaluan ngjarjen 23/04 16:20
Rruga nacionale Vlorë-Llogora po dëmtohet çdo vit gjithnjë e më shumë nga shembjet.
Janë tre pjesë të kësaj rruge që kanë pësuar dëmtime serioze duke e bërë të rrezikshëm kalimin për mjetet që lëvizin aty, por më e rrezikshme situata është gjatë sezonit veror, kur në këtë aks kalojnë deri në 4 mijë mjete në ditë.
“Një njeri që nuk e di rrugën ka shumë probleme”, shprehen shoferët.
Në terren, kryetari i Këshillit të Qarkut të Vlorës, Sadrit Danaj, ka pranuar problematikën dhe ka kërkuar zgjidhje.
“Jemi në kontakt me Autoritetin e Rrugëve. Do të bisedojmë dhe do të shohim se çfarë mund të bëhet për këtë pjesë rruge”, thotë zoti Danaj.
Kjo rrugë është e preferuar veçanërisht nga turistët e huaj për shkak të bukurive natyrore që po bëhen gjithmonë e më pak të aksesueshme nga dëmtimet serioze në shtratin e saj.
Top Channel
