Vritet shefi ushtarak i Frontit al-Nusra
05/03/2015 00:00
Gjykatësja federale pushon çështjen penale ndaj Trump, për ndërhyrje në zgjedhjet e vitit 2020 26/11 10:20
Shefi ushtarak i Frontit al-Nusra, Ebu Hemani al-Shami dhe tre persona të tjerë të rëndësishëm të grupit xhihadist janë vrarë në një sulm ajror të kryer nga ushtria siriane.
Agjencia shtetërore e lajmeve e Sirisë transmetoi se ushtria vuri në shënjestër liderët e al-Nusra, pasi ata zhvilluan një takim në provincën veriore të Idibit.
Fronti al-Nusra është një nga grupet më të fuqishme që luftojnë ndaj regjimit të Presidentin sirian, Bashar al-Asad. Ditën e mërkurë, ata sulmuan selinë e Forcave Ajrore të Inteligjencës në Aleppo
Në një postim në rrjetet sociale militantë të al-Nusra-s, i kanë identifikuar tre personat e tjerë, figura të rëndësishme të grupit, si Abu Musab Falastini, Abu Omar Kurdi dhe Ebu baraa Ansari.
Detajet e sulmit janë të paqarta, megjithatë, agjencia zyrtare e lajmeve siriane e përshkroi sulmin si një “operacion unik”, të kryer nga ushtria siriane në zonën e al-Habit.
Top Channel
