Ibra mbushet me tatuazhe, janë emrat e personave që vuajnë nga uria
16/02/2015 00:00
VIDEO/ Ernest Muçi shkëlqen me fanellën e Beshiktashit, shënon një super gol nga distanca 19/04 20:35
Zlatan Ibrahimovic shënoi gol që në minutën e parë të ndeshjes PSG-Caen ditën e shtunë dhe menjëherë pasi kaloi parizienët në avantazh, sulmuesi suedez hoqi fanelën për të treguar trupin e tij të mbuluar të gjithin nga tatuazhe të reja.
U mendua fillimisht se futbollisti hoqi fanelën për t’u mburrur me tatuazhet, por e vërteta është krejt tjetër. Ibrahimovic ka shkruar në trup emrin e rreth 50 personave që vuajnë nga uria në botë.
Këtë gjë e ka shpjeguar vetë Zlatan në konferencën e prezantimit të fushatës për mbështetjen e Programit të Ushqimit Botëror.
“Tani, sa herë të dëgjoni emrin tim, do të mendoni edhe për ata. Nuk ka shkatërrim më të madh në botë sesa uria. Janë mbi 800 milionë persona në botë që nuk kanë me se të ushqehen. Nëse do të kisha mundësi të shkruaja të gjithë emrat e tyre, do e bëja, por nuk jam aq trupmadh. Jam goxha i madh, por jo aq”, tha Ibrahimovic.
Top Channel
