Rusi, flamuri amerikan përdoret si tapet për fshirjen e këmbëve
25/12/2014 00:00
Doli hapur kundër qeverisë në këngët e tij, dënohet me vdekje reperi iranian! U torturua dhe u izolua për 252 ditë 26/04 08:55
Nuk është e diçka e pazakontë, që të shohësh si tapet për të fshirë këmbët flamurin amerikan në Lindjen e Mesme, ose në Korenë e Veriut. Por, tani është Moska, ajo që i është bashkuar veprimit antiamerikan.
Vetëm pak kilometra nga zemra e kryeqytetit rus, në qendrën tregtare “Elektronics on Presne”, po përdoret simboli amerikan si tapet, që lejon blerësit për të pastruar këpucët e tyre.
Fotot dhe videot që shfaqin këto pamje janë shpërndarë në një nga rrjetet më të mëdha sociale ruse, e për të bërë më pas xhiron e botës.
Sipas stafit të qendrës tregtare, ky veprim u frymëzua nga lidhjet e tendosura midis SHBA-ve dhe Rusisë, me mesazhin se SHBA-të nuk mund të bëjnë çfarëdo që ata dëshirojnë. Megjithatë ka pasur edhe shumë rusë, të cilët e kanë kritikuar rëndë këtë gjest.
Një gazetar rus shkroi në blogun e tij se ky ishte një veprim pa vlerë, ndërkohë që 90% e produkteve që kjo qendër tregton janë prodhuar në SHBA. Por, pronarët e bizneseve janë treguar moskokëçarës, madje duke i shkuar përtej këtij veprimi, ata kanë vendosur edhe në shitje online tapetet me flamurin amerikan, në dispozicion me nga 20 dollarë secili.
Top Channel
