Milani rikthehet te fitorja, mund Napolin 2-0
15/12/2014 00:00
Dinamo-Laçi spektakël për një pikë, Skënderbeu fiton ndaj Erzenit dhe “ndez” garën për “Final 4” 27/04 22:55
Rikthehet te fitorja Milani dhe këtë gjë e bën në një ndeshje të vështirë si ajo ndaj Napolit në San Siro, në javën e 15 të Serisë A. Kuqezinjtë mundën 2-0 skuadrën e drejtuar nga Rafa Benitez duke e barazuar atë me 24 pikë në klasifikim.
Ndeshja u zhbllokua që në minutën e gjashtë falë një goli shumë të bukur të Jeremy Menez.
Në pjesën e dytë ishte Bonaventura ai që dyfishoi rezultatin me një goditje me kokë në minutën e 52-të.
Pas kësaj fitoreje, Milani ngjitet në vendin e gjashtë me 24 pikë, duke zbritur Napolin në vendin e shtatë falë golaverazhit. Zona Champions është vetëm 2 pikë larg pasi Lazio, Sampdoria dhe Genoa kanë të treja nga 26 pikë.
Top Channel
