Tri kohë të Shqipërisë në “Time”

Autorja rrëfen se vendosi të bëjë këtë studim për shkak të impaktit që ka pasur në vendet e huaja prezantimi që i ka bërë revista “Time” imazhit të Shqipërisë ndër vite.

“Revista, si një media e larguar me subjektin e vendit tonë, është interesuar rregullisht për zhvillimet që lidhen me ngjarjet politike në vend, më tepër se sa ato që lidhen me aspekte kulturore, sociale dhe ekonomike. Pamja e krijuar është ajo e një vendi përherë të trazuar dhe anormal, pavarësisht nëse flasim për periudha historike me tipare thelbësisht të ndryshme”, tha autorja Belina Budini.

Një nga pjesëmarrësit që mbajti fjalën e rastit në promovimin e librit ishte ambasadori i Shteteve të Bashkuara të Amerikës, Alexander Arvizu. Ambasadori tha se në kohën kur studionte, apo përpara se të vinte në Shqipëri, revistat dhe mediat e mëdha amerikane, por kryesisht revista “Time”, ishin ato që i kishin krijuar atij imazhin e Shqipërisë.

“Kur dëgjova për këtë projekt që i referohet revistës ‘Time’, ajo që mendova automatikisht ishte periudha kur studioja në universitet. Në atë periudhë, ‘Time’ ishte ‘Bibla’ e gazetarisë së printuar dhe e publicistikës në përgjithësi. Kjo vazhdoi për shumë vite me radhë. Të lexoje këtë revistë do të thoshte të jetoje me historinë e një dite. Për një vend si Shqipëria, që ishte e mbyllur dhe e izoluar për shumë vite, raportimet nga revista kanë qenë një dritare shumë e rëndësishme për atë se çfarë ndodhte në Shqipëri”, u shpreh ambasadori amerikan Arvizu.

Top Channel