Kim Jong-un shfaqet pa shkop

Kim nuk ishte parë në publik prej afro 6 javësh, përpara se sa të shfaqej në një event të muajit të kaluar duke ecur me shkop. Burime të inteligjencës së Koresë së Jugut thanë se ai i ishte nënshtruar një ndërhyrjeje kirurgjikale për të hequr një kist në kavilje.

Shëndeti i liderit komunist është bërë subjekt i thashethemeve gjatë viteve të fundit, teksa disa thonë se ai mund të jetë duke vuajtur nga përdhesi apo probleme me ijet.

Fotot e fundit, të publikuara nga gazeta “Rodong Sinmun” gjatë së mërkurës, tregojnë Kimin duke takuar komandantë të ushtrisë.

Agjencia e lajmeve të Koresë së Veriut, KCNA, bëri të ditur se Kim kishte marrë pjesë në takimin e ushtrisë gjatë së hënës dhe së martës, duke pozuar në krah të pjesëmarrësve për fotografët. Ai shoqërohej nga krahu i djathtë i tij, Hwang Pyong-so, si dhe nga krerë të tjerë të lartë.

Kim mungoi në një event tepër të rëndësishëm politik në Tetor, pikërisht përvjetorin e partisë së tij në pushtet, por Korea e Jugut njoftoi se sipas informacioneve të saj ai ishte ende në krye të vendit.

Sipas burimeve koreano-jugore, ka qenë një ekip mjekësh ekspertë nga Europa, që kanë fluturuar drejt Penjanit në Shtator ose Tetor, për të operuar kaviljen e majtë të Kim, për të hequr kistin.

Top Channel