Basha: Marrëveshje me garanci ndërkombëtare
23/10/2014 00:00
“Shoqen tonë e bëmë ministre dhe nuk erdhi as në mbledhje, do ta bëj të skuqet”, kush është ish-ministrja që nuk iu përgjigj Metës në telefon 19/04 23:04
Opozita kërkon garanci nga ndërkombëtarët për marrëveshjen e synuar me
Qeverinë për t’i dhënë fund bojkotit dhe për të vijuar veprimtarinë
normale në Kuvend.
Kryetari i PD, Lulëzim Basha, deklaroi në Bruksel se zbatimi i vendimeve të Gjykatës Kushtetuese nuk mund të varet nga humori i qeverisë, duke iu referuar kërkesës së pakicës për ngritjen e komisioneve hetimore.
“Si opozitë, por dhe si shoqëri shqiptare në vitin 2014, ne nuk mund të pranojmë që zbatimi i vendimeve të Gjykatës Kushtetuese, zbatimi i Kushtetutës, të jenë në varësi të humorit të qeverisë, apo shumicës. Prandaj, ne kemi propozuar një marrëveshje shumicë-opozitë për këto dy çështje, për shpërfilljen e paprecedentë të vendimit të Gjykatës Kushtetuese dhe për kriminalizimin e Kuvendit. marrëveshje, e cila kërkon domosdoshmërisht garanci ndërkombëtare”, u shpreh Basha.
Basha akuzoi kryeministrin Rama për promovim trafikantësh në politikë, administratë e Kuvend. Ai dha këtë deklaratë në përfundim të mbledhjes së zakonshme të Partive Popullore Europiane, ku udhëheqësit e të djathtës pajtohen paraprakisht për çështjet që diskuton samiti europian i krerëve të shteteve dhe qeverive.
Përgatiti ARTA TOZAJ
Top Channel
