Për Partinë Demokratike vendi është në emergjencë kombëtare për shkak të përkeqësimit të ekonomisë.
Kjo do te thote se vleresimi pozitiv i standard and por’s nuk ka ndikuar aspak qe opozita te ndryshoje vleresimin e saj negativ dhe pesimist per ecurine e ekonomise. Sipas Partise Demokratike asgje nuk mund ta fshehe krizen reale qe po perjetojne vete shqiptaret ne ekonomine e tyre personale, te cilet, per shkak te taksave te rritura, jane detyryar te rrisin borxhin dhe te ulin konsumin.
“Sot një në 3 shqiptare është i zhytur në borxhe për konsumin e përditshëm, dhe ky është një efekt i drejpërdrejtë i paketës fiskale. Sot, papunësia ka shkuar në nivelin alarmant 17%, kryesisht në sektorët e industrisë e ndërtimit që duhet të ishin shtyllat e ekonomisë. Ne nuk harrojmë se dje në opozitë, Rama e cilësonte krizë të thellë rritjen ekonomike me 3% dhe vlerësimin “BB”, ndërsa sot u dashka të jemi të lumtur dhe optimist kur ekonomia ka rënë me 3 përqind nga premtimi i qeverisë dhe kemi një vlerësim “B+”, tha deputetja demokrate, Jorida Tabaku.
Per daljen nga situata qe e pershkruan si krize ekonomike me tendence te metejshme perkeqesimi, partia Demokratike i sugjeron qeverise te ndjeke nje politike te re fiskale, ate te lehtesimit te qytetareve nga taksat.
“Në vend që ta shohim ekonominë përmes statuseve nga arena e mediave sociale, ne kërkojmë nga qeveria që të ulet e të përpiqet për të nxjerrë nga bataku ku ka futur vendin. Duke i kërkuar që të ulë në mënyrë të menjëhershme taksat dhe të rikthejë një regjim miqësor për bizneset e të përballueshëm nga qytetarët si e vetmja mënyrë për të kaluar këtë emergjencë kombëtare”, tha Tabaku.
Top Channel
