Rama: Mbështetje prokurorisë
06/09/2014 00:00
“I bëra kazan të gjithë”, Rama për etiketimet ndaj medias: Më ka ngelur njollë! Jam përpjekur të korrigjohem 20/04 12:42
Kryeministri Edi Rama sapo është kthyer nga Uellsi është vënë në lëvizje për menaxhimin e situatës së krijuar në Bankën e Shqipërisë, pas arrestimit të guvernatorit Ardian Fullani.
Sipas një njoftimi për shtyp nga selia e Kryeministrisë, zoti Rama ka kontaktuar tashmë ekspertë vendas e të huaj, ndërsa është takuar me përfaqësues të FMN-së dhe kryetarin e Kuvendit, Ilir Meta.
Ndër të tjera, në njoftimin për shtyp Rama shpreh mbështetjen për prokurorinë në kryerjen e hetimeve, si dhe garanton ruajtjen e pavarësisë së Bankës së Shqipërisë.
“Mbështetje prokurorisë dhe drejtësisë për të kryer deri në fund detyrën. Garantojmë pavarësinë e Bankës së Shqipërisë, situata në të cilën do të kapërcehet me autoritet të plotë moral dhe profesional. BSH do të dalë nga kjo situatë më e fortë moralisht, profesionalisht dhe më e pavarur. Shpreh respekt dhe mbështetje për të gjithë teknicienët e BSH. Kjo situatë nuk duhet të përsëritet më kurrë në të ardhmen”, thotë Rama.
Top Channel
