Kinë, shkon në 367 numri i viktimave nga tërmeti
03/08/2014 00:00
Kriza humanitare në Gaza, sulmet izraelite vrasin 12 palestinezë teksa prisnin ndihmat me ushqime 29/07 16:33
Ka shkuar në 367 numri i viktimave të shkaktuara nga tërmeti 6.1 ballë, i cili goditi rajonin jug-perëndimor të Kinës gjatë ditës së diel. Ndërkohë, siç bën të ditur agjencia shtetërore e lajmeve mbi 1300 të tjerë kanë mbetur të plagosur.
Shërbimi Gjeologjik amerikan njoftoi se tërmeti goditi rreth 11 km në veri-perëndim të Ëenping, në provincën e Yunnan-it, rreth orës 16:30 me atë lokale (10:30).
Një zyrtar lokal, i cituar nga agjencia e lajmeve Xinhua, bën të ditur se shumë shtëpi janë shembur, ndërkohë që rrjeti shtetëror CCTV ka deklaruar se tërmeti ishte më i forti që ka goditur provincën në 14 vitet e fundit.
Ndërkohë, të gjithë viktimat raportohen në rrethin e Qiaojia-s, në rajonin Zhaotong, i cili duket se është prekur më shumë nga të gjithë.
Raportohet se ekipe kërkim-shpëtimi janë dërguar menjëherë në epiqendrën e tërmetit, ndërsa mësohet se thellësia e tij ishte rreth 10 km nëntokë.
Në vitin 1970, një tërmet me magnitudë 7.7 goditi Yunnan-in, duke lënë të vrarë të paktën 15 mijë njerëz.
Top Channel
