“Tashmë më e keqja ka kaluar dhe falenderoj të gjithë tifozët e Schumacherit për mbështetjen”, thotë Corinna. Bashkëshortja e Schumacherit ka kujtuar përmirësimin e tij për të gjithë të apasionuarit e Formula 1 në prag të Çmimit të Madh të Hockenheim në Gjermani këtë fundjavë.
“Tashmë jemi në një fazë që kërkon shumë kohë shpresojmë që koha të jetë aleati i Schumi-t”, thotë bashkëshortja . Disa ditë më parë ishte Corinna që deklaroi përmirësimin e kushteve shëndetësore të ish pilotit pasi pësoi një aksident më ski në Meribel të Francës më 29 dhjetor të vitit 2013.
“Ky është një mesazh drejtuar të gjithë mbështetësve që i kanë qëndruar në krah Schumit gjatë gjithë karrierës së tij dhe e kanë përkrahur edhe jashtë piste. Ju falenderoj të gjithëve për urimet dhe energjinë që i keni transmetuar Michael-it. Ju uroj më të mirat”, përfundon Corinna.
Top Channel