Mbledhja e Këshillit të Ministrave të BE-së, më 24 Qershor, do të zhvillohet në një situatë dhe klimë krejt tjetër nga ajo e Dhjetorit. Ky ishte deklarimi ministres së Integrimit, Klajda Gjosha, e cila shpreson se vendimi do të merret në bazë të progres-raportit.
Ndërsa, për problematikën e ngritur nga Çekia lidhur me CEZ-in, ministrja e Integrimit Gjosha mendon se statusi nuk duhet të përzihet me probleme bilaterale të karakterit ekonomik.
“Ajo që unë do të theksoja, pasi ju përmendët CEZ-in dhe Çekinë, është se unë shpresoj që vendet e BE-së të mos dalin jashtë procesit dhe mos të bëjnë Shqipërinë, apo vendet e tjera të cilat aspirojnë të jenë pjesë e BE-së, të humbasin besimin në procesin e integrimit. Të humbin besimin tek ato kërkesa, të cilat vendet antare i kanë vendosur vet, tek ato parime mbi të cilat është themeluar Europa, sepse çështjet bilaterale janë një çështje tjetër dhe, jam e bindur që vendi punon shumë për të pasur marrëdhënie sa më të mira mes shteteve, sikurse jam e bindur se, sa më pranë të jetë Shqipëria me Europën, aq më shumë do të zgjidhen të gjitha problematikat që ne kemi mes shteteve tona”, tha ministrja Gjosha.
Top Channel
