Fitorja, e domosdoshme për Spanjën

Shifra e lartë e golave (5) që pësuan në atë ndeshje ja bën të panevojshëm edhe barazimin, thjesht i duhet fitorja. Reparti i mbrojtjes së Spanjës la shumë për të dëshiruar, kështu që trajneri Del Boske e sheh të domosdoshme që të kryhen ndryshime, ndoshta duke përfshirë edhe Gerard Pike.

Sulmuesit Diego Kosta dhe David Silva nuk arritën të përfundonin aksionet e tyre, për këtë arsye edhe ata janë në dyshim sa i përket formacionit të parë.

Një tjetër pikë e ndryshueshme mund të jetë Iker Kasijas.

Nga ana tjetër, Kili vjen në këtë ndeshje pas fitores 3-1 përballë Australisë në ndeshjen e parë.

Ndeshja tjetër e rëndësishme e mbrëmjes së sotme është ajo mes Holandës dhe Australisë. “Tulipanët” e kanë filluar në mënyrën më të mirë të mundshme këtë Kampionat Botëror duke u hakmarrë 5-1 përballë Spanjës.

Arjen Roben, Shnajder apo Van Persi duken se janë vërtetë shumë për një skuadër modeste si ajo e Australisë e cila që në ndeshjen e parë pësoi 3 gola nga Kili. Gjithsesi, po t’i referohemi rekordeve shohim se Holanda nuk ka fituar asnjëhjerë përballë Australisë në tre përballjet e mëparëshme: një fitore e australianëve dhe dy barazime.  

Megjithatë, një humbje e tyre në këtë ndeshje të dytë do t’i jepte fund aventurës në këtë Botëror ashtu si edhe një kualifikim të mundshëm të Holandës për në fazën tjetër.

Top Channel