Protestë kundër hidrocentralit
10/06/2014 00:00
Sot, Dita Botërore e Lirisë së Shtypit, 97 gazetarë dhe punonjës të medias u vranë gjatë konfliktit në Gaza 03/05 09:07
Mbrëmjen e së hënës banorët e fshatit Valikardh në komunën Zerqan, protestuan kundër ndërtimit të hidrocentralit në zonën e tyre.
Protesta degjeneroi në dhunë dhe një grup personash hynë me forcë në kantierin e ndërtimit, duke shkatërruar disa subjekte dhe duke përmbyur edhe automjetet.
Banorët u përleshën me rojet private të sigurisë së kantierit. Këta të fundit kërkuan edhe ndihmën e policisë, që kur mbërriti bëri të mundur uljen e tensioneve dhe shoqeroi disa prej banorëve të përfshire në aktet e dhunës.
Ngjarja nisi pasi mbrëmjen e djeshme rreth orës 21:20, persona nga zonat përreth u mblodhën në hyrje të kantierit për të penguar aty hyrjen e mjeteve të rënda.
Ata kërkojnë që hidrocentrali të mos ndërtohet për shkak se shfrytëzimi i ujërave të liqenit të Zi do të linte pa vaditje tokat e tyre.
Top Channel
