Brazil 2014, jo vetëm futboll

Botërori “Brazil 2014” po afron dhe, pas pak ditësh, do të startojë aktiviteti më i madh futbollistik në nivel global, i cili sigurisht që nuk do të ndiqet vetëm nga të apasionuarit e futbollit.

Përveç sportit më të populluar, ky Botëror do të mbledhë në Brazil edhe disa nga bashkëshortet apo të dashurat e futbollistëve, të cilat do të garojnë mes njëra-tjetrës në një tjetër botëror, atë se cila prej tyre do të bëjë më shumë figurë dhe do të tërheqë vëmendjen e brazilianëve, mediave dhe paparacëve.

Bashkëshortja e Cristiano Ronaldo-s, Irina Shayk, shihet si favoritja kryesore për të fituar trofeun e “Botërori i femrave”. Mbështetja e modeles më të famshme në planet do të jetë e ndarë në dy pjesë, gjysma për Rusinë dhe gjysma tjetër për Ronaldon. Dëshira e saj është që, këto dy skuadra, Rusia dhe Portugalia, të mos përballen me njëra-tjetrën, të paktën deri në finale, pasi është e pavendosur kë të mbështesë më parë.

Në Brazil do të jetë dhe modelja italiane, Melissa Satta, e cila është e fejuara e Kevin-Prince Boateng. Edhe pse sapo është bërë nënë, 28-vjeçarja i ka ruajtur linjat dhe pritet të bëjë shumë figurë.

Mediat botërore kanë theksuar se, një sy i paparacëve do të jetë edhe te Fanny Neguesha, e dashura e Mario Balotelli-t, sulmuesit italian që njihet për bëmat e tij, brenda dhe jashtë fushe.

Neymar do të jetë shtylla e kombëtares braziliane në futboll, ndërsa e dashura e tij, Bruna Markezine, pritet të jetë favoritja e tifozëve vendas në botërorin e femrave.

Bashkëshortja e Leo Messi-t shfaqet gjithnjë e qeshur. E gjithë Argjentina shpreson që ajo të jetë po kaq e qeshur deri në fund të Botërorit.

Femrat spanjolle do të përfaqësohen në “Brazil 2014” nga Pilar Rubio, e cila është bashkëshortja e kampionit të botës në fuqi, Sergio Ramos.

Duke qenë se ky Botëror do të jetë i fundit për Steven Gerrard, atëherë edhe mediat angleze i kanë dhënë mundësinë gruas së tij, Aleks Curran, të marrë pjesë në botërorin e femrave. Shanset janë të pakta, por asnjëherë nuk i dihet, thonë anglezët.

Rikuperimi i Khedira-s, më shumë se sa trajnerin Loë, ka gëzuar të dashurën e mesfushorit, Lena Gerke, e cila nuk mund të mungonte në një eveniment kaq të madh.

Franca ka zgjedhur të dashurën e re të Benzema, Manon Marsault, si femrën që do t’i sjellë fat kombëtares së Deschamps.

Nuk kishte se si të mungonte në këtë kampionat femrash, Jolanthe Kabau, gruaja e fantazistit holandez Wesley Sneijder, e cila, pasi zuri vendin e parë mes femrave holandeze, tashmë kërkon dhe vendin e parë në Brazil.

FOTO GALERI

3/19

Top Channel