Guantanamo drejt mbylljes
06/06/2014 00:00
Shirat ekstremë në Indonezi vrasin 58 orangutanë Tapanuli, studiuesit paralajmërojnë rrezik të lartë zhdukjeje 11/06 17:55
Skema e ngjyrave
Madhësia e shkrimit
Një zyrtar amerikan tha të enjten se administrata Obama do të transferojë të burgosur të tjerë gjatë këtij viti nga burgu i Guantanamos, pavarësisht polemikave që lindën pas shkëmbimit të 5 të burgosurve talebanë me ushtarin e fundit të mbajtur nga talebanët në Afganistan.
“Një numër i konsiderueshëm të burgosurish do të transferohen në faza të ndryshme nga Guantanamo”, tha zyrtari i administratës.
Zyrtari ka pranuar të thotë se 149 të burgosur që gjenden aktualisht në qendrën e burgimit të SHBA-ve në bazën detare në Kubë janë drejt transferimit të plotë. Kampi i Guantanamos, i kritikuar nga grupet e të drejtave të njeriut është vënë sërish në qendër të vëmendjes që prej ditës së shtunë, rreshteri Bowe Bergdahl, 28 vjeç, u lirua nga talebanët, pasi ishte marr peng që prej 5 vjetësh dhe në shkëmbim të tij SHBA-ja liroi 5 talebanë që mbaheshin në Guantanamo prej 12 vjetësh.
Ky shkëmbim, i cili u mor pa konsultën me Kongresin, zemëroi ligjvënësit, veçanërisht republikanët që tashmë janë skeptik në lidhje me qëllimet e Presidentit Obama.
Top Channel
