Tension mes Kinës dhe Vietnamit

16/05/2014 00:00

Kina ka thënë se do të vazhdojë shpimet për naftë në ujërat e kontestuara të Detit të Kinës Jugore, pavarësisht protestave kundër Pekinit në Vietnam.

Gjenerali i lartë kinez, Fang Fenghui fajësoi Hanoin për nxitje të problemeve në rajon. Ai deklaroi se përpjekjet e SHBA-ve për t’u fokusuar më shumë në Azi kanë ndikuar në nxitjen e tensioneve.

Një punëtor kinez vdiqën, si pasojë e një sulmi, në një fabrikë çeliku në Vietnam gjatë së mërkurës, rreth 150 të tjerë u plagosën pasi protestuesit i vunë flakën disa fabrikave tajvaneze.

Gjatë ditës së martë 15 fabrikave në pronësi të huaj iu vu zjarri në parqet industriale në provincën Binh Duong.

Gen Fang, shefi i Shtabit të Përgjithshëm të Kinës, i cili ndodhet në një vizitë në Uashington, kërkoi nga SHBA-ja të mos mbaj një qëndrim lidhur me këtë çështje, pasi do të shërbente për të rritur më shumë tensionet mes këtyre vendeve. Ndërkohë, Departamenti Amerikan i Shtetit i bëri thirrje palëve të përmbahen.

Më parë, ministri i Jashtëm i Kinës zhvilloi një bisedë urgjente telefonike me zv/kryeministrin vietnamez Pham Binh Minh, duke dënuar dhunën dhe i bëri thirrje Hanoit të marri masa të menjëhershme për të siguruar jetën dhe pronën e shtetasve kinez në Vietnam.

Top Channel