Qindra persona kanë zhvilluar një protestë gjatë ditës së enjte në qytetin Pushkino, 30 kilometra në verilindje të Moskës. Ata kanë shprehur zemërimin ndaj emigrantëve dhe kanë kërkuar arrestimin e një shtetasi nga Uzbekistani, i cili është person i dyshuar lidhur me një vrasje të ndodhur në këtë zonë.
Protestuesit hodhën slogane kundër emigrantëve, më pas ata kanë sulmuar një autobus, duke dhunuar fizikisht shoferin e tij. Forcat e policisë kanë ndërhyrë menjëherë, duke ndaluar rreth 60 prej protestuesve.
Trazirat e fundit kanë ngritur shqetësimin për rikthimin e protestave të dhunshme racore, si ato në rrugët e Moskës gjatë vitit 2010.
Protestuesit dolën në rrugët e Pushkino pasi Zhakhongir Akhmedov dyshohet për vrasjen e Leonid Safyannikov pas një grindje në një parking gjatë ditës së martë. Sipas policisë Akhmedov nuk ishte ndaluar dhe kishte kaluar kufirin, duke shkuar në Uzbekistan, në atdheun e qindra mijëra emigrantëve në Rusi. I dyshuari për vrasja është arrestuar në vendlindjen e tij dhe ta pritet të transferohet në Rusi për t’u gjykuar lidhur me ngjarjen.
Agjencia shtetërorë ruse e lajmeve “RIA” ka raportuar se të gjithë protestuesit e ndaluar janë liruar më vonë.
Premtimi i Vladimir Putin për të mbrojtur popullsinë rusisht-folëse në Ukrainë edhe me forca ushtarake nëse do të jetë e nevojshme, ka shkaktuar zemërimin e nacionalistëve rusë, të cilët akuzojnë qeverinë për shpërfillje të të drejtave të tyre.
Top Channel
