Ushtria ruse ende në kufi

Shefi i Kremlinit u bëri thirrje separatistëve prorusë në Ukrainën Lindore të shtyjnë referendumin “e shkëputjes”, të planifikuar të dielën si edhe nënvizoi se “ushtarët ruse janë tërhequr nga kufiri me Ukrainën”.

Zëdhenesi i Shtëpisë së Bardhë, Josh Earnest tha se tërheqja ruse do të ishte një hap poizitiv. “Ne do të mirëpritnim një akt-kuptimplotë dhe transparent të tërheqjes se forcave ruse nga kufiri. Këtë e kemi kërkuar prej kohësh”. Por sipas tij- nuk ka prova për atë që prestendon Moska.

Zëdhënësi i Pentagonit, Koloneli Steve Warren shprehet: “Ajo që mund të them është se nuk kemi parë ndryshime në pozicionet e trupave ruse përgjatë kufirit me Ukrainën”. Koloneli Warren thotë se nëse trupat ruse do të ishin bërë gati të lëviznin, Shtetet e Bashkuara do ta kishin vënë re menjehere, një gjë të tillë”. Po kështu edhe ligjvënësit amerikanë janë shprehur skeptikë.

Kreu i Komisionit për Zbulimin në Senat, republikani Dan Koats tha për Zërin e Amerikës se “ veprat e Putinit kanë më shumë vlerë se fjalët”.

“Nëse Putin vazhdon të nxisë elementet pro-rusë që shkaktojnë trazira në Ukrainën Lindore, në mënyrë që të pengohet apo të ndikohet rezultati i zgjedhjeve, terheqja është një akt simbolik, për të cilin nuk duhet të besojmë se mund ta zgjidhë problemin”.

Stefen Blank i Këshillit për Politika të Jashtme thotë se deklarata e Putinit, vecanerisht për ndalimin e referendumit  mund të jetë shenja se Rusia po e ndjen peshën e presionit. Sipas tij, Rusia do të vazhdojë përpjekjet për destabilizimin e Ukrainës.  Rojet ukrainase të kufirit kanë marrë furnizime me pajisje ushtarake amerikane jovdekjeprurëse dhe po diskutohen edhe për ndihma të tjera.Aktivistët pro-rusë në Lindje të Ukrainës do të shqyrtojnë të enjten propozimin e Presidentit rus, Vladimir Putin për ta shtyrë referendumin

Top Channel