“Teatri Shëtitës” në Greqi
29/04/2014 00:00
Gigi Hadid fotografohet me Bradley Cooper dhe vajzën e tij në New York 12/04 13:36
“Teatri Shëtitës” është ndalur në Athinë, ku ka ngjitur në skenën e Teatrit Argo pjesën e Roberto Athayde “Zonjushë Margarita”, nën interpretimin e Luiza Xhuvanit, me regji të Kiço Londos.
Një pjesë që trajton temën e dhunës dhe diktatit. Një monolog afro 65 minuta, interpretuar kryesisht në shqip, por edhe greqisht për publikun shqiptar e grek.
“Zonjushë Margarita” është vënë në skenat greke disa kohë më parë nga artistë të cilët komentuan versionin shqiptar të pjesës.
Regjisori Theodoros Grampsas thotë: “E njoh shumë mirë këtë vepër pasi e kam vënë në skenë para dy vitesh. Ishte një spektakël tepër i veçantë, ishte një punë e përsosur për të gjithë komponentët.”
Aktorja Xheni Stavropulu thekson: “Ishte një punë e mrekullueshme dhe u entuziasmova për nivelin lartë të teatrit shqiptar.”
Një tjetër aktore, Lila Kafandari, nënvizon: “Ajo që pashë ishte përtej asaj që imagjinoja.”
Top Channel
