Mercedesi i ka lënë targën të gjithëve edhe një herë tjetër në sesionin e parë të provave të lira të Cmimit të Madh të Bahreinit. Lewis Hamilton ka regjistruar xhiron më të shpejtë (1’37″502), ndërsa menjëherë pas tij është renditur shoku i skuadrës, Nico Rosberg.
Fernando Alonso (Ferrari) pozicionohet i treti me gjysmë sekonde distancë. Në vend të gjashtë piloti tjetër i “Kokëkuqes”, Kimi Raikkonen.
Përsa i përket Red Bullit, Vettel e Ricciardo nuk kanë shkëlqyer, me australianin të frenuar nga një tjetër problem me fluksometrin e benzinës, ndërsa gjermani regjistroi kohën e dhjetë më të mirë.
Pilotët e McLaren, Jenson Button e Kevin Magnussen, përfunduan sesionin e parë të provave të lira në vendin e pestë dhe të shtatë.
Top Channel
