Guus Hiddink do të kthehet në krye të kombëtares hollandeze të futbollit menjëherë pasi të përfundojë Botërori i Brazilit.
Lajmin e bëri të ditur të premten Federata Hollandeze e Futbollit me anë të një komunikate për shtyp. Në këtë mënyrë, aventura e Louis van Gaal në krye të “Portokallinjve” do të përfundojë në muajin korrik të këtij viti.
67-vjeçari Hiddink ka qenë më parë trajner i Hollandës në periudhën 1994-1998 dhe ka arritur një vend të katërt në Botërorin “Francë 1998”.
Ndihmës të tij në këtë aventurë të re do të jenë ish-futbollistët hollandezë Danny Blind dhe Ruud van Nistelrooy. Do të jetë pikërisht Blind ai që do zëvendësojë Hiddinkun pas Euro 2016 për ta drejtuar Hollandën në Botërorin e vitit 2018.
Top Channel
