Ndeshja më e shkurtër në historinë e tenisit
21/03/2014 00:00
28 minuta e 20 sekonda ka zgjatur ndeshja më e shkurtër në historinë e tenisit dhe protagonistët e saj ishin Jarkko Nieminen e Bernard Tomiç.
Në turin e parë të turneut të Majemit, finlandezi ka mundur shumë lehtë (6-0, 6-1) australianin i cili kthehej të luante pas një dëmtimi.
“Ishte ndeshja ime e parë pas operacionit, ishte pjesë e rehabilitimit. Nuk jam i zhgënjyer. Bëra maksimumin”, tha Tomiç pas takimit.
Rekordi i mëparshëm i ndeshjes më të shkurtër të tenisit ka qenë 29 minuta dhe ishte vendosur në vitin 1996 nga britaniku Greg Rusedski, i cili mundi në dy sete (6-0, 6-0) gjermanin Carsten Arriens.
Top Channel