Novak Djokovic ka fituar turneun Indian Wells pasi ka mundur në finale zviceranin Roger Federer. Serbi arriti suksesin në tre sete: 3-6, 6-3 dhe 7-6.
Kjo është hera e tretë që Djokovic fiton këtë turne. Më parë e kishte fituar në vitin 2008 dhe 2011.
Federer e nisi shumë mirë ndeshjen duke fituar setin e parë falë shërbimeve shumë të mira, por në setin e dytë nuk arriti të mbante përqindjet e larta të shërbimit të parë duke i lënë mundësi serbit të bënte lojën e tij.
Djokovic hakmerret kështu për humbjen ndaj Federerit të dy javëve më parë në Dubai, por mbetet ende mbrapa në përballjet direkte (17-16).
Top Channel
