Juventus ka fituar në fund të ndeshjes në përballjen ndaj Xhenoas me një gol të mrekullueshëm të Andrea Pirlos. Një goditje dënimi perfekte në minutën e 89 i jep tre pikë të tjera skuadrës së drejtuar nga Antonio Conte në një ndeshje jo të bukur.
Në pjesën e parë i është anuluar një gol i rregullt Osvaldos, ndërsa në pjesën e dytë Buffon i priti një 11-metërsh sulmuesit Calaio’ para se bardhezinjtë të kalonin në avantazh.
Thellohet më tej kriza e Milanit. Parma ka fituar në San Siro me rezultatin 4-2 ndaj një Milani pa ide dhe pa lojë.
Vetëm pas 5 minutash lojë, 11-metërsh dhe karton i kuq për portierin Abbiati. Cassano nuk gabon dhe kalon në avantazh emilianët. Në minutën e pestë të pjesës së dytë është sërish Cassano ai që dyfishon rezultatin.
Milani reagon me Rami (56’) dhe Balotelli (72’, 11-metërsh), por menjëherë Amauri rikthen në avantazh Parmën me një gol me takë (74’), ndërsa Biabiany vulos rezultatin në minutën e fundit.
Në ndeshjet e tjera të javës së 28 të Serisë A u regjistruan këto rezultate:
Atalanta-Sampdoria 3-0
Cagliari-Lazio 0-2
Livorno-Bologna 2-1
Sassuolo-Catania 3-1
Fiorentina-Chievo 3-1
Sot, do të luhen ndeshjet Torino-Napoli (19:00) dhe Roma-Udinese (21:00).
Top Channel