Ka përfunduar në barazim 1-1 ndeshja Teuta-Tirana, takimi i fundit i javës së 23 të Superligës.
Erando Karabeci, kapiteni i Tiranës, në minutën e 36 kaloi në avantazh skuadrën e tij me një gol të mrekullueshëm nga rreth 35 metra. Tirana pati edhe dy raste shumë të mira për të shënuar edhe golin e dytë, por i shpërdoroi duke e pësuar më pas.
Ishte Hoxha ai që barazoi rezultatin në minutën e 43, pas një krosimi të shkëlqyer të Julian Ahmatajt.
Ndeshja tjetër që u luajt sot, ajo mes Besës dhe Flamurtarit, përfundoi me fitoren e kavajasve me rezultatin 3-1.
Golat për Besën u shënuan nga Muriqi (2) dhe Sefa, ndërsa për vlonjatët shënoi Abilaliaj.
Renditja pas javës së 23 është kjo:
1. Skënderbeu 48 pikë
2. Laçi 37
3. Partizani 36
4. Kukësi 34
5. Besa 33
6. Teuta 32
7. Flamurtari 30
8. Tirana 27
9. Vllaznia 26
10. Bylis 24
11. Lushnja 23
12. Kastrioti 22
Top Channel