Mediat sportive janë të bindura: Paul Pogba nuk do të rinovojë me Juventusin, por do të largohet nga bardhezinjtë në përfundim të Botërorit.
Pas takimit që presidenti i Juves pati me PSG-në dhe premtimit për 70 milionë euro nga ana e klubit të pasur francez, tani është radha e Realit. Sipas mediave sportive spanjolle, madrilenët ofrojnë 60 milionë euro plus mbrojtësin Fabio Coentrao ose sulmuesin Alvaro Morata.
Mendohet se mesfushori i talentuar francez është objektivi i madh i Realit në merkaton e verës, ashtu siç ishte Gareth Bale verën e kaluar.
Në këto kushte, Juventusit i mbetet vetëm të shohë si do të shkojë ankandi PSG-Real dhe më pas të zgjedhë ofertën më të majme.
Top Channel
