Emri i Pasquale Gravines, pa dyshim që është shënuar në historinë e sportit italian.
Lindur në Campobasso në vitin 1970, Gravina nisi që në moshë të vogel pasionin për volejbollin.
Fillimisht do të luante në Serine C me skuadren e të rinjeve të qytetit, por sukseset e para arriti t’i korrte me ekipin e “Maxicono Parma” gjatë viteve 1992-1993.
Talenti i të riut ra në sy menjëhere. Kupat dhe vlerësimet e para nuk vonuan.
Dy kupat “CEV” dhe”Kupa e Italise” do të rrëmbeheshim shpejt nga ekipi i Pasquales, i cili u cilësua nga komentatoret e kohës si pjesë e “gjeneratës së fenomeneve”.
Në Ligen Botërore të vitit 1990, vesh për herë të parë fanelën e kombetares italiane, pikërisht në ndeshjen kundër Shteteve të Bashkuara të Amerikës.
Më pas, Pasquale kalon me ekipin e Trevisos ku luan disa sezone duke fituar si në Itali, ashtu dhe në Kampionatin Europian.
Karriera e tij ka qenë e admirueshme. 34 tituj të fituar në total, 21 në skuadrat e ndryshme dhe 13 me kombëtaren italiane.
Viti 2005 do të shënonte fundin e një pasioni dhe nisjen e kërkimit të talenteve për t’u bere “Team Bulding”.
Aktualisht është president i “Vollej Trevisos”, ku nën drejtimin e tij skuadra ka një renditje të mirë në kampionatin kombëtar.
Top Channel