Klubi në Majemi, Beckham kërkon investitorë
10/02/2014 20:00
Luajnë në Premier League, kush janë dy 19-vjeçarët të akuzuar për përdhunim? 24/04 11:07
Ish-kapiteni i kombëtares angleze të futbollit, David Beckham, i kërkoi pronarëve të Paris SG që të investojnë për skuadrën që ai po regjistron në Kampionatin Amerikan të Futbollit, me qendër në Majemi.
Lajmi u publikua të hënën në faqet e së përditshmes franceze “Le Parisien”.
38-vjeçari Beckham mbylli karrierën e tij në Europë në radhët e Paris SG dhe që prej atëherë ruan një marrëdhënie të mirë me sheikun Nasser Al Khelaifi, president i parizienëce.
“Duke përfituar nga relatat e ngrohta me Al Khelaifin, Beckham i kërkoi Qatar Sports Investments që të investojë në projektin e Majemit”, shkruhej nga gazeta.
Kërkesa e “Spice Boy” nuk ka marrë ende përgjigje.
Aktualisht, Beckham është në kërkim të investitorëve për të ndërtuar një stadium të ri në Majemi.
Ish-kapiteni i kombëtares angleze pagoi nga xhepi i tij 25 milionë dollarë për të marrë liçensën për krijimin e një klubi futbolli në Majemi dhe në krijimin e skuadrës do të ketë bashkëfinancues yllin e NBA-së, LeBron James.
Top Channel
