Pas marrjes së votës pro të enjten, hyri në fuqi moratoriumi që ndalon gjuetinë për dy vitet e ardhshme.
Ligji i hartuar nga Ministria e Mjedisit parashikon ndalimin e gjuetisë për të gjitha kafshët dhe shpendët në një afat kohor prej 2 vjetësh.
Më herët, ai projekti u diskutua në Komisionin e Veprimtarive Prodhuese, ku maxhoranca e cilësoi si ekstreme, por të nevojshme këtë masë.
Ndërkohë, opozita shprehu vërejtjet e saj duke propozuar si masë të duhur bllokimin e armëve të gjahut. Sipas të dhënave, në vendin tonë janë të licensuar mbi 170 mijë gjuetarë, ndërkohë që gjuajnë me qindra e mijëra të palicensuar.
Përfaqësuesit e shoqatave të gjuetarëve nuk e shohin si zgjidhje të problemeve moratoriumin për gjuetinë.
Top Channel