Formula 1, dorëhiqet Bernie Ecclestone
16/01/2014 15:15
Dinamo-Laçi spektakël për një pikë, Skënderbeu fiton ndaj Erzenit dhe “ndez” garën për “Final 4” 27/04 22:55
Bernie Ecclestone, pronari i Formulës 1 vendosi që të japë dorëheqjen nga roli i tij në bordin drejtues të formatit më të famshëm të garave automobilistike në botë.
Ky vendim i 83-vjeçarit vjen vetëm disa orë pasi drejtësia gjermane informoi për nisjen e një procesi penal kundër tij për korrupsion.
Pavarësisht dorëheqjes, Ecclestone do të vazhdojë të kujdeset vetë për interesat e tij në Formulën 1, u përcaktua në një deklaratë.
I moshuari do të gjykohet mbi bazën e dyshimeve që ai korruptoi një bankier gjerman, i cili ndodhet në burg, i dënuar më parë për korrupsion.
Ecclestone pranon se i ka paguar 45 milionë Gerhard Gribkowskyt, por mohon që kjo pagesë të ketë qenë një formë rryshfeti.
Sipas akuzës, paratë e paguara prej Ecclestone duhet të “blinin” mbështetjen e bankierit me influencë, për të bërë të mundur që të drejtat televizive të Formulës 1 t’i shkonin një grupi të parapëlqyer prej bosit të F1.
Top Channel
