Tifozët e Tiranës, protestë para bashkisë
14/01/2014 00:00
Dolën pagat e ekzagjeruara të zyrtarëve të klubit, Real Madrid vihet në kërkim të spiunit brenda selisë 10/06 17:26
Skema e ngjyrave
Madhësia e shkrimit
Shumë tifozë ultras të skuadrës së Tiranës kanë protestuar përpara godinës së bashkisë së kryeqytetit për gjendjen ku ndodhet aktualisht skuadra bardheblu, e cila rrezikon dhe rënien për herë të parë në histori nga Superliga.
Sipas grupimit të tifozëve “Ultras Fanatics”, kryetari i Bashkisë, Lulzim Basha, që është njëkohësisht dhe presidenti i klubit është shkaktari kryesor i rrënimit të klubit me më shumë tituj në Shqipëri.
Ata i kanë kërkuar Bashës të mbajë premtimet e dhëna gjatë fushatës për zgjedhjet lokale në vitin 2011.
Gjatë kohës kur tifozët e Tiranës kanë tentuar të kalojnë në trotuarin pranë bashkisë ka patur një përplasje të vogël me policinë e kryeqytetit, gjë e cila solli dhe bllokimin e qarkullimit për pak minuta.
Gjatë protestës së tyre, asnjë zyrtar i bashkisë nuk është takuar me tifozët e “Fanatics”.
Top Channel
