Stefan Peterhansel ka rimarrë kryesimin në garën e Rally Dakar. Pas një gare zhgënjyese në etapën e parë, piloti francez me makinën e tij “Mini” ka fituar etapën e dytë duke e mbyllur garën në vendin e parë me 46 sekonda më shpejt se spanjolli Karlos Sainz, i cili mban dhe vendin e dytë në renditjen e përgjithshme.
Në kategorinë e motorave ishte Sam Sanderlen me “Honda” ai që fitoi provën speciale. Për britanikun, i cili jeton në Dubai dhe stërvitet në shkretëtirë, kjo është fitorja e parë pas vitit 2012. Vendin e dytë e zuri kiliani Francisko Lopez dhe të tretin spanjolli Barreda Bort po me “Honda”.
Klasifikimin e përgjithshëm në kategorinë e motorave e udhëheq spanjolli Bort, i cili ndiqet nga Lopez dhe Sanderlend. Ka qenë i pafat në këtë etapë të dytë Alesandro Boturi, i cili u tërhoq nga gara për shkak të problemeve me freksionin.
Top Channel