Tepelenë, kapen 150 kg kanabis
06/01/2014 00:00
Përkujtohet patrioti Avdi Rexha! Bust dhe libër për pajtuesin e gjaqeve në Tropojë
14/03 20:15
Rreth 150 kilogramë lëndë narkotike e tipit hashash janë sekuestruar pasditen e së hënës në një automjet që udhëtonte në aksin Përmet-Tepelenë.
Lajmin e bëjnë të ditur burime policore lokale, sipas të cilave furgoni me drogë është ndaluar në afërsi të fshatit Peshtan.
Burimet saktësojnë se transportuesit e lëndës narkotike, që dyshohet të jenë dy të rinj nga Vlora, e kanë braktisur mjetin dhe janë larguar.
Një ditë më parë ishte policia e Durrësit që sekuestroi një sasi prej 26 kg kanabis sativa në portin e qytetit.
33-vjeçari Leonard Bisku nga fshati Ballas i Kavajës, emigrant në Itali, tentoi të kalonte drejt shtetit fqinj këtë sasi droge.
Bisku e kishte fshehur sasinë e bimës narkotike në brendësi të 6 gomave aktive të kamionçinës së tij.
Në momentin që i riu po kryente proçedurat e imbarkimit në një nga tragetet e linjës Durrës-Bari, shërbimet policore pas një kontrolli të imtësishëm konstatuan drogën e fshehur.
I riu nga Kavaja u arrestua menjëherë nga shërbimet policore për të vijuar më tej me proçedurat hetimore. Nga hetimet paraprake rezultoi se sasia e drogës kishte si destinacion tregun e Firences, ku 33-vjeçari jeton.
Top Channel
