Festimet në kryeqytetet e botës

Në Europe, Berlini dhe Parisi ishin kryeqytetet ku u pane spektakle të mrekullueshme dritash. Në kryeqytetin e Frances, shetitorja ‘Champs-Elysees’  ishte mbushur me turiste nga e gjithë bota, Meksika, Kili, Rumani dhe vende te botës. Shumë ishin mbledhur në ‘Trocadero’, qe ofron një prej pamjeve më të mira të Kullës ‘Eiffel’.

Qindra mijera u grumbulluan në ‘Brandenburg Gate’ ne Berlin, ndersa po afronte mesnate. Nje spektakël fishekzjarresh ngjyrosi qiellin e kryeqyteti gjerman.

Në Londër, një orë më pas, Big Ben-i sinjalizoi mberritjen e Vitit te Ri dhe fill pas tij u pa ai qe eshte cilesuar si spektakli e fishekzjarreve. Mijera njerez ishin vendosur ne ted y anet e Lumit Tamiz.

Në Moskë, mijëra njerez festuan ardhjen e vitit 2014 ne Sheshin e Kuq, ku ishin shtuar masat e sigurise pas sulmit ne Vollgograd. Por pavaresisht kontrolleve te shumta, njerezit shpresonin për një vit më të mirë duke e përqendruar vemendjen në këmbënat e orës së Kremlinit. Pas tyre u degjuan brohoritjet e para per te pritur vitin e ri dhe u leshuan fishekzjarret.

Në kryeqytetin e Ukraines Kiev, te pakten 100 mije persona kenduan himnin kombetar ne Sheshin e Pavaresise, në mbështetje të integrimit të metejshem te vendit në Europë.

Në Nju Jork, nje million njerez u mblodhen ne ‘Times Square’, per te pare renien e sferës prej kristali. Te pranishmit i pershendeten kengetarët Miley Cyrus, Michael Moore…
 
Dubai, qe ka të njëjtën orë me Mosken, synoi te vendoste nje rekord te ri boteror per spektaklin e fishekzjarreve, vendosur pergjate 50 kilometra ne bregun e detit. Ne qender te festimeve ishte ndertesa me e larte ne bote, Burxh Kalifa.

Festime shumengjyreshe u pane ne Pekin, Xhakarta dhe Singapor. Ne Japoni prifterinjte Shinto u mblodhen ne vende te shenjta. Japonezet vizitojne tempujt dhe luten per familjet e tyre.

Në plazhin e Kopakabanes, mbi nje milion njerez kishin mbushur plazhin per te pare spektalin e fishekzjarreve. Ne Kejp Taun ne Afriken e Jugut u organizua nje spektakël me lazer dhe fishekzjarre, duke i bere nje homazh te vecante ish- udheheqesit Nelson Mandela qe nderroi jete me 5 dhjetor. Zelanda e Re dhe Australia ishin nder te paret qe priten vitin e ri 2014 me spektaklin e fishekzjarreve

Top Channel