Edhe pse në hyrje të galerise së braktisur ështe shkruajtur qartazi, “Mos hyj, rrezik”, 27-vjeçari Mirjan Bushi ka marrë përsiper rrezikun me shpresen për të gjetur hekurishte të cilat do t’i shiste më pas.
Ka qenë heqja e ndonjë kolone mbajtese ajo që ka provokuar rrëzimin e një masivi gurësh që i moren jetën viktimës.
Mirjan Bushi ka hyrë në galeri prej mesditës të së dieles dhe ka mbetur i bllokuar.
Pas vonesës mësohet se ka qenë vëllai i tij ai që ka sinjalizuar policinë dhe komunën.
Mendohet se i riu ka hyrë në 700 metra thellësi dhe është dashur ndërhyrja e Repartit të Inspektim dhe Shpëtimit në miniera, pasi ka qenë e pamundur ndërhyrja e punonjësve të komunës.
Në një ngjarje të ngjashme, në galerite e braktisura në Beragozh të Pogradecit, humben jeten 5 të rinj që kishin hyrë për të nxjere skrap nga nëntoka.
Ata u asfiksuan nga gazi i gjeneratorit që përdornin nëntokë.
Top Channel