Siri, Al-Nusra: Nuk pranojmë paqe
20/12/2013 16:00
Lufta në Ukrainë, të paktën dy të plagosur nga një sulm rus në Kharkiv 15/05 21:07
Fronti i Al-Nusrës, një organizatë ekstremiste islamike që lufton përkrah kryengritësve në Siri nuk do të njohë rezultatet e bisedimeve të paqes, që do të nisin midis qeverisë dhe opozitës gjatë muajit të ardhshëm.
Në intervistën e tij të parë televizive, kreu i kësaj organizate, Abu Mohammed al-Julani i deklaroi “Al-Jazeera”-s se “nuk do të njohë asnjë rezultat që mund të prodhohet nga bisedimet dypalëshe në Zvicër”.
“Ne nuk mund të lejojmë këtë konferencë që të kthejë vendin 50-100 vjet pas”, tha al-Julani.
Ai gjithashtu shtoi se forcat kryengritëse janë pranë arritjes së fitores përballë ushtrisë së presidentit Bashar al-Assad, ndaj konsideroi se nënshkrimi i paqes në këtë moment do të përbënte një tradhëti për kauzën e kryengritësve.
Al-Nusra, një grupim i konsideruar si terrorist prej Shteteve të Bashkuara të Amerikës, është shndërruar në një prej blloqeve kryesorë të rezistencës, gjatë kësaj lufte civile të nisur në Mars 2011.
Kreu i Al-Kaedës, Ayman al-Zawahiri ka njohur publikisht Frontin e Al-Nusrës si “degën e Al-Kaedës” në Siri.
Top Channel
