Luftime të ashpra në Sudanin e Jugut
19/12/2013 00:00
Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Kryengritësit në Sudanin e Jugut kanë vendosur nën kontroll një qytet kyç nga pikëpamja strategjike, ndërsa luftimet vazhdojnë të ashpra që prej tentativës së grushtit të shtetit të regjistruar të dielën e fundit.
“Ushtarët tanë kanë humbur kontrollin mbi qytetin e Borit, përballë forcave të Riek Macharit”, deklaroi një zëdhënës i ushtrisë së rregullt sudanezojugore.
Më parë gjatë javës, presidenti Salva Kiir akuzoi ish-zëvendësin e tij, Machar, për udhëheqjen e këtij komploti, një akuzë e kundërshtuar nga ana e këtij të fundit.
Konflikti, i nisur nga kryeqyteti Juba i ka kushtuar jetën të paktën 500 personave dhe ka ngjallur frikën e një përshkallëzimi në të gjithë territorin e shtetit më të ri të botës.
Sudani i Jugut u formua në Korrik 2011, pas një referendumi në të cilin 98% e popullsisë votuan për ndarjen nga shteti mëmë i Sudanit.
Konflikti në shtetin e pasur me naftë vjen në një moment në të cilin disa vende të Afrikës Qendrore janë duke përjetuar një situatë të vështirë politike, midis të cilave edhe Republika e Afrikës Qendrore, ku më parë gjatë dhjetorit, Franca dërgoi trupa për të vënë në kontroll situatën anarkike që ekziston në vend prej më shumë se një viti.
Top Channel
