Apeli zbut dënimin ndaj Kukësit
16/12/2013 00:00
Eurobasket/ Turqia mund Greqinë, tre shqiptarë në ekip, më të mirët 13/09 15:30
Komisoni i Apelit në FSHF e ka falur skuadrën e Kukësit, duke ia rikthyer 3 pikët e hequra nga komisioni i Disiplinës, ndërkohë që ka zbritur në 5 javë pezullimin për trajnerin Naxhi Shensoj, nga 12 të dhëna nga Disiplina.
Mbledhja e komisionit të Apelit ishte parashikuar që të mbahej të premten e kaluar, por reagimet e forta të drejtuesve të klubit të Kukësit dhe protestat disa ditore të tifozëve të kësaj skuadre bënë që drejtuesit e Apelit të merrnin pak më shumë kohë në dispozicion, për ta trajtuar me qetësi atë që ndodhi para 2 javëve në Kukës.
E vetmja pikë, ku komisioni i Apelit ra dakord me atë të Disiplinës, është që skuadra e Kukësit të luajë 4 ndeshje jashtë fushës së vet.
Kështu, skuadra verilindore do të rikthehet në stadiumin “Zeqir Ymeri”, më 1 mars 2014, në sfidën ndaj Laçit.
2 javë më parë, pas ndeshjes Kukësi-Skënderbeu, tentativa për të dhunuar arbitrin Enea Jorgji dhe goditja e trajnerit të Skënderbeut, Mirel Josa, solli dhe masat e rënda të komisionit të Disiplinës.
Kjo nuk është hera e parë, që klubi i Kukësit ndëshkohet për shkak të tifozëve.
Në maj të vitit 2012, skuadra e Kukësit u dënua nga Disiplina me 6 ndeshje pa tifozë, për shkak të hedhjes së sendeve të forta, që shkaktuan ndërprerjen e përkohshme të ndeshjes së Kategorisë së Parë, Kukësi-Luftëtari, ndërkohë që, po nga hedhja e sendeve të forta, shtatorin e kaluar, Disiplina vendosi t’i japë fitoren në tavolinë skuadrës së Vllaznisë.
Top Channel
