LeBron-Beckham: Skuadër futbolli në Majemi
19/11/2013 18:40
Allegri: Pjesa e parë tmerr! Duhej t’i zëvendësoja të gjithë 20/04 09:25
Superylli i NBA, LeBron James konfirmoi se është në bisedime me David Beckham për bashkëfinancimin e ngritjes së një skuadre futbolli në Majemi.
Mbreti James, i cili ka udhëhequr Miami Heat drejt dy titujve radhazi në basketbollin amerikan ka shprehur edhe më parë interesin për futbollin, ndërsa është aksioner tek klubi i Liverpulit.
“Ekziston një interes i dyanshëm”, deklaroi James, i cili përfitoi 19 milionë dollarë në sezon vetëm në formë page.
“Beckham është një mik i mirë për mua prej disa vitesh tashmë dhe mendoj se do të ishte e shkëlqyer që ky qytet të shpërblehej me një skuadër futbolli. Ekziston një interes i dyanshëm, por bisedimet janë ende në fazë fillestare”, shtoi basketbollisti.
Top Channel
