Moratti përcillet me fitore
10/11/2013 00:00
Interi e përcjell me fitore Massimo Morattin për të cilin ndeshja ndaj Livornos ishte e fundit si president i zikaltërve.
Skuadra e Mazarrit nuk shkëlqeu në lojë, por arriti të marrë 3 pikë mjaft të rëndësishme falë fitores 2-0.
Një gabim i portierit Bardi dhe goli i Nagatomos i japin mundësinë Interit të ngjitet në vendin e katërt me 25 pikë, 3 më pak se Napoli dhe Juventusi të cilat ndajnë vendin e dytë dhe të tretë.
Një tjetër lajm i mirë për Interin ishte dhe rikthimi pas 6 muajsh në fushë i kapitenit 40-vjeçar Javier Zanetti, i cili ishte dhe nismëtari i golit të dytë.
Top Channel