Cristiano Ronaldo shënoi 3 gola në fitoren 7-3 të Real Madrid ndaj Sevilla dhe pas golit të parë portugezi përshëndeti në formë ushtarake duke iu përgjigjur deklaratave të presidentit të FIFA-s Joseph Blatter në Universitetin e Oksfordit.
Blatter kishte thënë se Cristiano Ronaldo ngjante me një komandant në fushën e lojës, ndërsa Messi ishte më i gëzueshëm për t’u parë e për këtë arsye ai preferonte argjentinasin.
Tre golat e ditës së mërkurë bënë që Cristiano të kalonte një legjendë si Ferenc Puskas për numrin e golave të shënuar në kampionatin spanjoll. Portugezi ka shkuar në 157 gola, ndërsa hungarezi ka shënuar 156.
Gjithashtu, Cristiano i bashkohet Diego Costas si golashënuesi më i mirë i Ligës me 11 gola.
Top Channel
Alarm shëndetësor për Botërorin 2026, ekspertët paralajmërojnë: Fruthi shqetësim kryesor për tifozët që udhëtojnë në SHBA, Meksikë dhe Kanada 
