Drejtori i skuadrës Ferrari, Stefano Domenicali, i bëri thirrje pilotëve të tij që të përpiqen të mbyllin sa më mirë kampionatin për të ruajtur vendin e dytë në renditjen e konstruktorëve, në të njëjtën kohë që pranoi se javët e ardhshme do të jenë vendimtare për zhvillimin e makinës së 2014-s.
“Javët e ardhshme janë përcaktuese për zhvillimin e njëvendëshes dhe përpjekjen për t’i dhënë fund dominimit të Red Bullit”, deklaroi Domenicali.
“Më këto javë do të bëhet një pjesë e mirë e zhvillimit të 2014-s. Në katër vitet e suksesit të Red Bullit ne kemi qenë gjithmonë kundërshtarët e tyre kryesorë, por tashmë jam i bindur që kjo epërsi mund të thyhet dhe se rolet mund të këmbehen”, u shpreh besimplotë drejtori i përgjithshëm i “kokëkuqes”.
Në lidhje me nivelin e regjistruar gjatë këtij sezoni, Domenicali tha: “Është e vërtetë që nuk kemi qenë t’i japim mundësinë pilotëve tanë të luftojnë me armë të barabarta me Vettelin. Këtë mundëm ta bëjmë vetëm në fazën e parë të sezonit dhe vetëm falë talentit të madh të Alonsos arritëm të sfidonim kampionin e ri të botës më shumë se kushdo, por sforcot tona nuk ishin të mjaftueshme për të garantuar titullin. Tani është e rëndësishme të mbarojmë sa më mirë këtë sezon dhe të punojmë me të gjithë përkushtimin për 2014-n”.
Top Channel
