Lotusi përgënjeshtroi zërat që janë përhapur mbi mungesën e qëndrueshmërisë financiare të kompanisë, pas publikimit të ekzistencës së një borxhi prej 120 milionë eurosh.
Skuadra shkoi deri atje sa theksoi se të gjithë zërat që vënë në pikëpyetje qëndrimin e skuadrës në Formula 1 janë në rastin më të mirë të keqinformuara dhe në rastin më të keq keqdashëse.
”Përsa i përket borxhit prej 120 milionë eurosh, mjafton një verifikim i thjeshtë për të kuptuar se ai nuk është një detyrim direkt i Lotusit dhe se 90 milionë prej tij, nuk konsiderohen as si borxh real”, shkruante skuderia në një komunikatë.
”Këto zëra i mungojnë respekt të gjithë atyre që punojnë dhe ndodhen në këtë skuadër, duke punuar përditë për të rritur nivelin e skuadrës sonë. Të gjithë detyrimet dhe pagat janë shlyer gjithmonë në kohën e duhur dhe Lotusi do të vazhdojë të kryejë një sërë përmirësimesh deri në fund të këtij sezoni”, shtoi skuadra.
Top Channel
