Çiklizëm, Shqipëria rrezikon Botërorin

Mosmarrëveshjet mes sekretarit të përgjithshëm Kujtim Bara dhe drejtuesve aktualë të Federatës së Çiklimit, e njohur nga ministria e Sporteve dhe nga KOKSH-i ka bërë që ata të kërkojnë zëvendësimit e sekretarit Bara.

Pavarësisht ndërhyrjes së Drejtorisë së Sporteve dhe zv/ministrit Tagani për pajtimin e palëve dhe për arritjen e një bashkëpunimi mes Federatës së çiklizmit dhe sekteratit Bara, ky i fundit nuk ka pranuar të ushtrojë detyrën si sekretar duke e bllokuar këtë post, madje është bashkuar me një grup tjetër i cili pretendon se janë ata drejtuesit e ligjshëm të kësaj Federate.

Drejtuesit e Federatës, që njihen zyrtarisht edhe nga ndërkombëtarët kanë kërkuar zëvendësimin e tij madje kanë dërguar në ministri emrin e sekretarit që duhet të zëvëndësojë Baren në mënyrë që ky post të mos ngelet vakant, të vazhdojë të fuksionojë ashtu siç duhet në mënyrë që lista e çiklistive shqiptare të dorëzohet para datës 17 gusht që është dhe afati i fundit i dorëzimit.
Por, kërkesa e Federatës së Çiklizmit ka kaluar të gjitha etapat e saj në ministri dhe tashmë po pret vetëm për një firmë në tavolinën e ministrit Zhiti.

Burime pranë këtij institucioni pohojnë për “Top-Channel” se ministri Zhiti ka kërkuar më shumë kohë për të shqyrtuar rastin e çiklizmit shqiptar dhe po tenton të bashkojë dy palët si e vetmja mënyrë që sporti shqiptar të mos ngelet peng e mosmarrëveshjeve individuale.

Top Channel