Ambasadori i ri gjerman në Tiranë
12/08/2013 18:20
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Nisi detyrën në Shqipëri, ambasadori i ri i Republikës Federale të Gjermanisë, zoti Hellmut Hoffman, i cili zëvendëson zonjën Karola Muller Holtkemper, që qëndroi në këtë detyrë prej gushtit të vitit 2010.
Ai i dorëzoi letrat kredenciale presidentit të Republikës së Shqipërisë, Bujar Nishani. Gjatë takimit, 62-vjeçari Hoffman i cilësoi “të shkëlqyera” marrëdhëniet mes Gjermanisë dhe Shqipërisë.
Hoffman ka lindur në Hajdenhajm të Gjermanisë në vitin 1951. Prej vitit 1982, kur ka nisur punën në Ministrinë e Jashtme, Hoffman ka patur disa detyra të rëndësishme si funksionar në Drejtorinë e NATO-s dhe atë të Kontrollit për Armët Konvencionale.
Gjithashtu, ai ka shërbyer në ambasadën gjermane në Zagreb si përfaqësues i përhershëm dhe në ambasadën gjermane në Londër, si këshilltar politik.
Katër vitet e fundit ai i ka kaluar si drejtues i Përfaqësisë së Përhershme të Gjermanisë pranë Konferencës së Gjenevës për Çarmatimin.
Top Channel
