Padi vendimit për xhaminë
29/07/2013 19:55
Debate në KLP, Tiranës dhe Elbasanit i mungojnë 51 prokurorë
18/07 21:17
Ndërtimi i xhamisë së re në Tiranë, e shumëpritur nga besimtarët myslymanë, të cilët prej vitesh në çdo festë fetare falen në bulevardin kryesor të Tiranës, është kthyer në objekt debati gjyqësor.
Instituti i çështjeve kombëtare INA dhe shoqata për një zhvillim të qëndrueshem, Eracional, me anë të kësaj padie civile kërkojnë shfuqizimin e vendimit të KRT-së, në të cilën është miratuar dhënia e lejes zhvillimore komplekse për xhaminë e Namazgjasë.
“Dhënia e një lejeje ndërtimi për një godinë e bën këtë vendim të goditshëm nga çdo institucion tjetër. Ne i jemi drejtuar gjykatës dhe vendimeve të KRT i rezervojmë të drejtën për t’u ballafaquar në gjykatë. Këtu nuk kemi të bëjmë vetëm me ndërtimin e një objekti kulti, por edhe të një godine si qendër biznesi”, ka deklaruar aktivisti Kastriot Frashëri.
Në padi kërkohet gjithashtu sigurim padie për ndërprerjen e çdo punimi derisa gjykata të shprehet për çështjen në themel.
“Sot gjykata vendosi që gjykimi i çështjes të vijojë në shtator, që për ne është një kohë e gjatë. Ne do kërkojmë pezullimin e të gjitha veprimeve ndërtimore që po kryhen në këtë shesh, si prerja e pemëve, bllokimi i trotuarëve, etj”, ka vijuar Frashëri.
Top Channel
